Saturday, July 23, 2011

මම ඡන්දය නොදීමට තීරණය කළෙමි - පුද්ගලික පැහැදිලි කිරීමක්

විවිධ හේතූන් නිසා මාර්තු මාසයේදී පැවැත්වීමට නියමිතව තිබූ පළාත් පාලන මැතිවරණයේ ඇතැම් ඡන්ද විමසීම් කල් ගියේය. එහෙයින්, එම පළාත් පාලන ආයතන වෙනුවෙන් ඡන්ද විමසීම ජූලි මස 23 වෙනිදා පැවැත්වීමට තීරණය විය. ඒ අනුව, අද එම මැතිවරණය පැවැත්වෙයි. මා උපන් - මගේ නම හිමි ඡන්ද හිමි නාමලේඛනය හිමි පොල්ගහවෙල ප්‍රාදේශීය සභාවේ ඡන්ද විමසීම ද ජූලි 23 වෙනිදා පැවැත්වීමට නියම විය. නමුත්, යොදාගත් පරිදි අදාල මැතිවරණය වෙනුවෙන් ඡන්දය ප්‍රකාශ කිරීම සිදු නොකර සිටීමට ම විසින් තීරණය කළෙමි. ම විසින් ඡන්දය නොදී සිටීම පොදු සමාජය කෙරෙහි එතරම් වැදගත් සිද්ධියක් නොවූව ද ඒ වෙනුවෙන් වන මාගේ පදනම නිර්මාණය වීමට හේතු වූ සිද්ධි අධ්‍යයනය පැහැදිලි කිරීම මගේ යුතුකමක් යැයි විශ්වාස කළෙමි. එහයින්, අදාල සාධාරණීකරණය වැඩිදුර කියවීමට ම විසින් මෙය වේදිකාවක් කර ගතිමි.

නියෝජිත ප්‍රජාතන්ත්‍රවාදී මූලධර්ම අනුව, නීති සෑදීමේ හා පාලනයේ කටයුතු වෙනුවෙන් ඍජු මා වෙනුවට ම විසින් පත් කර යවනු ලබන නියෝජිතයින් මගින් නීති සෑදීම හා පාලනයේ යෙදීම පිණිස නියෝජිතයින් තෝරා පත් කර යැවීම ආරම්භ වන්නේ, පවුර රාජ්‍යය සංකල්පයේ සංශෝදිත දියුණු ක්‍රමය ලෙසයි. ඒ අනුව, සෑම කටයුත්තක් වෙනුවෙන්ම මා වෙනුවට මගේ අභිමතාර්ථ හා අරමුණු ක්‍රියාත්මක කරනු ලබන නියෝජිතයින් ම විසින් තෝරා පත් කර යැවීම ආරම්භ විය. අද වන විට මැතිවරණ පවත්වමින් සිදු කරමින් සිටින්නේ - මා වෙනුවට මගේ නියෝජිතයින් තෝරා පත් කර ගැනීම නැමති නියෝජිත ප්‍රජාතන්ත්‍රවාදී විධික්‍රමයයි. තවත් පැත්තකින් මෙම මැතිවරණ ක්‍රමයන් මගින් සනාථ කර සිටින්නේ, ජනතා පරමාධිපත්‍යයේ මූලධර්මයි.

දැන් ම විසින් නියෝජිත ප්‍රජාතන්තුවාදයේ වරප්‍රසාද භුක්ති නොවීදීමට ප්‍රතිපත්තිමය තීරණයක් ගනිමින්, මා සතු පරමාධිපත්‍යය කොටහ පූර්ණය නොකරගනු ලබන්නේ ඇයි දැයි කියා ම විසින් ම විමසිය යුතු වෙයි.

මෙවර පළෘත් පාලන ආයතනය වෙනුවෙන් මගේ නියෝජිතයා තෝරා පත් කර ගැනීම පිණිස දේශපාලන පක්ෂ හතරකින් හා ස්වාදීන කණ්ඩායම් දෙකකින් නම් යෝජනා කොට ඇත. එක්සත් ජනතා නිදහස් සංධානය, එක්සත් ජාතික පක්ෂය, එක්සත් ලංකා මහසභාව සහ ජනතා විමුක්ති පෙරමුණ එම පක්ෂයි. මෙම පක්ෂ මගින් ඉදිරිපත් කොට ඇති අපේක්ෂකයින් සම්බන්ධයෙන් මගේ කිසිදු පැහැදීමක් නැත. ඉන් සමහර දෙනෙක් පෙර ප්‍රාෙද්ශීය සභාවේ මතන්ත්‍රීවරුන්ය. සමහර දෙනෙක් නවකයින්ය. පෙර ප්‍රාෙද්ශිය සභාවේ මන්ත්‍රීවරුන් හට නැවත ඡන්දයකට ඉදිරිපත් වීමට තරම් කිසිදු මානුෂික අයිතිවාසිකම් නොවන්නේය යන බැව් එක හෙළා කියමි. ආණ්ඩු බලය හිමි කර ගෙන සිටි එක්සත් ජනතා නිදහස් සන්ධානයේ මන්ත්‍රීවරුන් බල ප්‍රෙද්ශය වෙනුවෙන් අබමල් රේණුවකුදු වැඩක් කොට නැති බැව් වගකීමෙන් කියමි. ඔවුන් විසින් සිදු කරනු ලැබ ඇත්තේ, ජනාධිපතිවරයා හෝ මධ්‍යම රජය විසින් කරනු ලැබ හා කරමින් සිටින කාර්යයන් සදහා තම අයිතිවාසිකම ජනතාව ඉදිරියේ ප්‍රකාශ කරමින් ජනතාව මුලා කිරීම පමණයි. පොල්ගහවෙල බස් නැවතුම් පොළ හෝ දුම්රිය පොළ යනු අභාවයට යමින් තිබෙන පැරණි රදල වලව් වැනිය. වසර ගණනාවකින් පිළිසකර නොකරන ලද හා එසේ කිරීමට හීනයෙන් හෝ නොසිතුනු තැන් දෙකකි. පොල්ගහවෙල පොදු මහජන පොළ බල්ලෙකුට උව කෑමට යමක් අහුලා ගැනීමට තරම් පිරියක් ඇති නොකරන මඩ ගොහොරුවකි. බල ප්‍රදේශයේ කුඩා මාර්ග හා වෙනත් පහසුකම් ද ඊට නෙදෙවෙනි වෙයි. යමක් කර තිබේනම් ඒ මධ්‍යම රජය විසිනි. නමුත්, එසේ හැදින්විය හැකි කරනු ලැබූ දැනෙන වැඩක් පොල්ගහවෙලට නොවන්නේය.

මා ගොඩයෙක් බව පෙර තැනකදී කියා ඇත්තෙමි. යළිදු කියමි. මම ගොඩයෙක්මි. මගේ ගම පිහිටා ඇත්තේ - පොල්ගහවෙල නරයෙන්ද යම් ප්‍රමාණයක් දුරිණි. අපේ ගමට යාම පිණිස කොළඹ - කුරුණෑගල ප්‍රධාන මාර්ගයෙන් හැරී කිලෝමීටර් තුනක දුරක් යා යුතුව තිබේ. ඒ මුළු දුරම - අපේ ගමේ බොහෝ දෙනෙක් ගෙවා දමන්නේ පයින්මය. එම මාර්ගයේ මුළු දුර කිලෝමීටර හයකි. ඇතැම්හු දිනපතා කාර්යයන් සදහා මෙම කිලෝමීටර හයම පවා පයින්ම ගමන් කරයි. නමුත්, අපේ ගමට අවසන් වරට පොදු ප්‍රවාහන සේවයක් මගින් ප්‍රවාහන පහසුකම් සපයනු ලැබ ඇත්තේ මින් වසර 25 කට පෙරයි. එනම්, සුනිල් රංජන් ජයකොඩි නැමති පාර්ලිමේන්තු මන්ත්‍රීවරයා පොල්ගහවෙල නියෝජනය කරන සමයේයි. ඉනික්බිති කිසිවෙක් පොල්ගහවෙල නියෝජනය නොකළ අතර - සෙස්සෝ සියලු දෙනා ඡන්ද කාලයේදී පැමිණෙන සෙසු කාලයන්හිදි ඉන්නා තැනක් වත් නොදන්නා පතෝල චරිත විය. මංගල රණරාජා, අනුරුද්ධ ජයවර්ධන, ලයනල් රාජපක්ෂ, ටිකිරි අධිකාරි ඉන් සමහරෙකි. එහෙයින්, මගේ ගම දෙස ඇසක් වත් හැර නොබැලූවෙකු වෙනුවෙන් ම විසින් ඡන්දයක් දිය යුත්තේ ඇයි දැයි මම මගෙන් ප්‍රශ්න කරමි. ‘වැඩ කිරීම‘ යනු මගේ ගම පමණක් නොවන්නේද යැයි අයෙක් ප්‍රශ්න කළ හැක. යමෙක් මගේ හෝ මගේ ගමේ මිනිසුන්ගේ නියෝජිතියකු වන්නේ නම්, ඔහු විසින් මගේ සහ මගේ ගමේ මිනිසුන්ගේ අරමුණු සහ අභිමථාර්ථ සැපිරිය යුතුය යන සරල තර්කයේ සිට මම මෙසේ කියමි. එහි ගැඹුරු අදහස ද එයම වෙයි.

දැන් ම විසින් සෙසු පක්ෂ කෙරෙහි මගේ ඡන්දය නොදීමට හේතු කියමි. ම විසින් ගෙවී මැතිවරණ තුනකදී ඡන්දය ප්‍රකාශ කොට ඇත්තේ පක්ෂ තුනකට බැව් කියමි. පළමුව එක්සත් ජාතික පක්ෂයටත්, ජනාධිපතිවරණයේදී වෙනත් අපේක්ෂකයෙකුටත්, මහා මැතිවරණයේදී ඒ දෙකෙන්ම වියුක්ත වූ වෙනත් පක්ෂයකටත් ඡන්දය දුනිමි. ඒවායින්, නියෝජිතයෝ පත් විණි. නමුත්, කොළඹදී හදිසියකදී හමු වුවහොත් හැරෙන්නට ඒ කිසිදු අපේක්ෂකයෙක් මට ගමේදී හමු වී නැත. අඩුම තරමේ අපේ ගමේ වෙන කාට හෝ හමු වී නැත. ඡන්ද කාලයේදී ගම පීරණ ඔවුන් සෙවීමට ඡන්දයෙන් පසු රටම පීරිය යුතුව තිබේ. පොල්ගහවෙල ආසනය භාරව සිටි ප්‍රධාන පක්ෂ තුනේ සාමාජිකයින් අතරින් ගමට නිකමට හෝ පැමිණියේ බිමල් රත්නායක පමණි. ජනතා විමුක්ති පෙරමුණ විසින් ප්‍රාෙද්ශීය සභාවේ අසුන් ගෙන සිටිමින් කළ දෙයක් පිළිබද කිසිදු අදහසක් මට නැත. පළාත් සභා පිහිටුවීමේදී දිවිහිමියෙන් විරුද්ධ වූ ජ.වි.පෙ. 2009 දී පළාත් සභා මැතිවරණයට ඉදිරිපත් විය. එය සාධාරණීකරණය කිරීම ජ.වි.පෙ. සාමාන්‍ය සිරිතයි. එහෙයින්, ඔවුන් විසින් එක් ස්ථාවරයක නොසිටින්නේය යන අදහස පමණක් දැන් හැගේ. සාමාන්‍ය විපක්ෂයකින් ඉටුවිය යුතු කාර්යය පොල්ගහවෙල ප්‍රාෙද්ශීය සභාවේ විපක්ෂය වූ එ.ජා.ප.යෙන් හෝ ජ.වි.පෙ.න් සිදුව නැත. ආණ්ඩුවකින් විය යුතු කාර්යය කිසිසේත්ම ඉටු වී නැත. ඔවුන් ගොඩ යාමට උත්සාහ දරන්නේ ජනාධිපතිවරයාගේ හෝ මධ්‍යම ආණ්ඩුවේ එල්ලීගෙනය.

එහෙයින්, අවසන ලියමි. කොළඹ සිට දුරගෙවාගෙන ගොස් මගේ ඡන්ද අයිතිය භුක්ති විදීමට මා පොළඹවනු ලබන තරම් සිද්ධියක් පසුගිය වසර පහේදී මගේ ගම අයිති සභාව විසින් ඉටු කොට නැත. කොළඹට වී වැඩක් බලාගැනීමට තීරණය කළෙමි. මා ඡන්දය දීමට ගෙදර නොපැමිණිම නිසා මගේ අම්මා සහ අප්පච්චී ද ඡන්දය දීමට උනන්දු නොවෙයි. මන්දයත්, “ගෙදර පොඩි එකාගෙ ඉල්ලීමට ඡන්දය දෙන දෙමව්පියන්“ වන මගේ දෙමව්පියන්, යම් මොහොතක ම විසින් ඡන්දය වර්ජනය කරන්නේ ද එම පිළිවෙතම ක්‍රියා කිරීමට නොපැකිළෙයි. මම කැපුවත් කොළ - කැපුවත් රතු හෝ කැපුවත් නිල් නොවෙමි. ඔබට විටක මා ‘වැනෙන එකෙක්‘ යැයි කියා සිටිය හැක. නමුත්, මා දන්නා තරමින් - රටේ දේශපාලන යාන්ත්‍රණයට වඩා තීරණාත්මක වන්නේ වැණෙන ඡන්දයි. මන්දයත්, කැපුවත් කොළ - නිල් හෝ රතු වුන් සැමදා එම පක්ෂ වල සිටිද්දී ආණ්ඩු පිහිටීම තීරණය කරනු ලබන්නේ මෙම තීරණාත්මක ඡන්ද විසිනි. නමුත්, මෙවර මැතිවරණයේදී ආණ්ඩුව මාරු කිරීමට - වෙනත් ආණ්ඩුවක් පිහිටුවීමට හෝ ආණ්ඩුව පෙරළීමට තරම් හේතුවක් මම නොදකිමි. එයට හේතුව, මේ ආණ්ඩුව සර්ව සම්පූර්ණ යැයි මා සිතා සිටිනවා කියන මුලාව නිසා නොවේ. මේ ආණ්ඩුව පෙරළා ගෙන ඒමට තරම් විකල්ප ආණ්ඩුවක් පෙණෙන මානයකවත් නොවීමයි. එහෙයින්, කැහි ගෑණි දී - හොටු ගෑණි ගන්නවාට වඩා ඉන්නා කැහි ගෑණිම ඔහේ ඉන්නට හැරීම සුදුසු වෙයි. සජිත්ගේ හා රනිල්ගේ එ.ජා.පය හෝ සෝමවංශ සහෝදරයාගේ ජ.වි.පෙ. ආදේශකයක් වීමට තරම් නොවන්නේය. යම් මෙහොතක එසේ වුවහොත්, විදේශයක සිට හෝ පැමිණ අදාල ආදේශකය වෙනුවෙන් ඡන්දය දීමට මම සූදානම් බව ද කියමි.

පසුව ලියමි - මගේ සහ මගේ පවුලේ අයගේ ඡන්ද පත්‍රිකා මගේ ගෙදර සුරක්ෂිතව ඇත. කාට හෝ අවශ්‍ය නම් මගේ එක ඉල්ලාගෙන ගොස් හොර ඡන්දයක් දමන්න. අනිත් අයගේ කැමැත්ත විමසා ඒවා ද ඉල්ලාගෙන යන්න. අනිත් අය අකමැතිනම්, මගේ ඡන්ද පත්‍රිකාව ඉල්ලාගෙන ගොස් රිසි සේ ඡන්දය දමා ගන්න. යළිදු ලියමි - කැහි ගෑණි දී - හොටු ගෑණි ගන්නවාට වඩා ඉන්නා කැහි ගෑණිම ඔහේ ඉන්නට හැරීමට තීරණය කළ හෙයින් - ඡන්දය දීමෙන් වැලකී සිටීමට තීරණය කළෙමි. ආණ්ඩුව මාරු කළ යුතුයැයි හැගෙන යම් මොහොතක් එන තුරු යළිත් ඡන්දයක් දීමට නොයමි.

ඔබේ ඡන්දය කල්පනාකාරීව ප්‍රකාශ කරන්න.

9 comments:

Anonymous said...

ithin ube kahi ganitama deepanko ...

Thela | තෙලා said...

Korapu deyak nethi ekek wenuwen chandayak dena eka, samajayata karana paapayak...

Anonymous said...

honda pattha peralenakan balan innawata wada hoda patthata peralanna baluwoth mokada wenne? Hoda welawa enakan balan hitiyoth perahera gihin thiyei... wadak karapu nathi un a putu walata ayeth yanna deela, chande nodi gedarata wela balan innawata wada wena karanna deyak atthema nadda?

Anonymous said...

පිස්සු කෙලින්නැතුව ගිහිං මෙන්න මූටවත් එකක් දීල වරෙං
http://reargate.blogspot.com/2011/03/blog-post.html

Anonymous said...

dawas 365ma aanduwe hama reddema waradi kiya kiya idalada aanduwa wenas karanna hadanne???? ehemada dan rata paalanaya karana kaalakanningen meka beraganna hadanne???? maha loku articles liwwa kiyala unta danenawada?? kochchara liwwath wadak thiyenawada??? NAA!!! Political kiyanne thanikarama sellamak, meh sellame poddak hari waradinna puluwan wenne Chandedi vtarai.. Paradinna puluwan, lagatawath enna bari wenna puluwan, eth aanduwata danenawa un karana hamadetama hama minihama 1ta na kiyala. thamusela wage kondak nathi kaalakanni gedarata wela labba redda asse gahan idala paradinwa kiyala dana danath kapuwath kola, kapuwath rathu kiyala chande daala ena, political gana samaharavita melo hasarak nodanna un dahas gunayak watinawa.. mekada ubalage maha loku prathipatthiya ahh????????

Anonymous said...

ඔබ හරි බව මමද කියමි.

Anonymous said...

හරියටම හරි මමත් ඔකම තමා කලේ....

sudheera said...

හුඟ දවසකින් පෝස්ට් එකක් නැත්තේ ඇයි..? මම ආසාවෙන් කියෝපු බ්ලොගක් මේක

Thola said...

kiyaveeme vindaneeya haraya ma oben dutuwa.