Monday, June 20, 2011

පුද්ගලික විශ්ව විද්‍යාල - එදා, අද සහ හෙට

අද වන විට, ආණ්ඩුවේ ප්‍රමාඛ සටන් පාඨයන් අතර පුද්ගලික විශ්ව විද්‍යාල සංස්ථාපනය හෝ ඊට අදාල පහසුකම් සැලසීම පත්ව තිබේ. මෙය අද හෝ ඊයේ සිට ක්‍රියාත්මක වන දෙයක් නොවන බවත්, පුද්ගලික විශ්ව විද්‍යාල සම්බන්ධයෙන් වන අදහස අලුත් එකක් නොවන බව කිව යුතු දෙයක් වනවා සේම - එසේ අමුතුවෙන් කිව යුතු දෙයක් ද නොවේ. නමුත්, අද වන විට මෙය අලුත් මාතෘකාවක් බවට පත්ව ඇති දෙයක් බව කිව යුතු වෙයි. එහෙයින්, පුද්ගලික විශ්ව විද්‍යාල සම්බන්ධයෙන් වන ඉතිහාස අත්දැකීම් හා වර්තමාන තත්ත්වයන් එකට කියවා ගනිමින් යම් හැදෑරීමක් වෙනුවෙන් පදනමක් සපයා ගත යුතු කාලයක් එලැඹ ඇතැයි සිතේ. පුද්ගලික විශ්ව විද්‍යාල සම්බන්ධයෙන් වන එදා සහ අද තත්ත්වයන් සමග එහි හෙට දවස කියවා ගැනීමට අපේක්ෂා කරමි.

අධ්‍යාපන පුද්ගලීකරණය සම්බන්ධයෙන් ජනරජ ශ්‍රී ලංකාවේ පළමු උත්සාහය ගනු ලබන්නේ ජේ. ආර්. ජයවර්ධනගේ 77 ආණ්ඩුවේ අධ්‍යාපන ඇමති වරයා වූ රනිල් වික්‍රමසිංහ විසිනි. අධ්‍යාපන ක්ෂේස්ත්‍රෙය් ඇතැම් දේ සම්බන්ධයෙන් නිරීක්ෂණ හැකියාව පමණක් මධ්‍යම ආණ්ඩුව හෝ රටේ ආණ්ඩුව සන්තකයේ තබා ගනිමින් සෙසු දේ පාලනය කිරීම හා මෙහෙයවීම සම්බන්ධයෙන් වන බලය පුද්ගලික අංශයට පවරා දීමට වන යෝජනාවක් සම්බන්ධයෙන් ජනතා අදහස් වීමසීම පිණිස ‘ධවල පත්‍රිකාවක්‘ (හරිත පත්‍රිකාවක්) සකස් කලේය. එය -අධ්‍යාපන ධවල පත්‍රිකාව- නමින් හැදින්වීය. නමුත්, ජාතික ශිෂ්‍ය ව්‍යාපාරය හා සෙසු සංවිධානයන් මගින් එල්ල වූ බලපෑම් හමුවේ උක්ත යෝජනාව යළි කැදවීමට රනිල් වික්‍රමසිංහ තීරණය කරමින් ධවල පත්‍රිකාව හකුලා ගනු ලැබීය. දෙවැනි කොට, අධ්‍යාපන පුද්ගලීකරණය සම්බන්ධයෙන් වන තීරණාත්මක යෝජනාව ගෙන එනු ලබන්නේ 1983 දීය. උතුරු කොළඹ පුද්ගලික වෛද්‍ය විද්‍යාලය නමින් පුද්ගලික ආයතනයක් මගින්, වෛද්‍ය උපාධි පිරිනැමීම කෙරෙහි සියලු දේ සූදානම් කළේය. මෙම යෝජනාව හකුලා ගැන්වීම පිණිස සිය ගණනකට සිය විශ්ව විද්‍යාල ශිෂ්‍ය භාවයන් කැප කිරීමට සිදු විය. එපමණකින් ද නොනැවතී, තවත් බොහෝ දෙනෙක් හට සිය ජීවිත පවා කැප කිරීමට සිදු විය. නමුත් අවසානයේදී ජේ. ආර්. ගේ දීර්ඝ කරනු ලැබූ 77 ආණ්ඩුව විසින් එම යෝජනාව හකුළා ගනිමින්, උතුරු කොළඹ පුද්ගලික වෛද්‍ය විද්‍යාලය වෙනුවෙන් ඉදිකළ ගොඩනැගිලි හා සපයන ලද පහසුකම් රාජ්‍ය විශ්ව විද්‍යාල පද්ධතියට ඒකාබද්ධ කිරීමට තීරණය කළේය. ඇත්ත වශයෙන්ම ඇති වී හා වෙමින් තිබූ අරගල හමුවේ වෙන කල යුතු යමක් නොවුණු තැන එසේ කිරීමට සිදු විය.  අද වන විට කැලණිය විශ්ව විද්‍යාලයේ රාගම පීඨය (රාගම වෛද්‍ය පීඨය) නමින් පවත්වාගෙන යනු ලබන්නේ එසේ පුද්ගලික වෛද්‍ය විද්‍යාලයක් වෙනුවෙන් සපයන ලද පහසුකම් මත පිහිටුවන ලද පසුව රජය විසින් පාලනයට ගනු ලැබූව ය. වෙනුර එදිරිසිංහ, පද්මසිරි ත්‍රීමාවිතාණ, ශාන්ත බණ්ඩාර, බාලා වැන්නන් දිවිපුදමින් රැකගනු ලැබූයේ එයයි.

පුද්ගලික ආයතන මගින් උපාධි පිරිනැමීම සම්බන්ධයෙන් යළිත් වරක් චන්ද්‍රිකා කුමාරතුංග පාලන සමයේදී ඉලිප්පිණි. එනම්, 1999 දී එවකට අමාත්‍යවරයෙක්ව සිටි කිංස්ලි ටී. වික්‍රමරත්න විසින් පාර්ලිමේන්තුවට ගෙන එනු ලැබූ - ශ්‍රී ලංකා තොරතුරු තාක්ෂණ ආයතනය - සම්බන්ධ යෝජනාව හරහායි. මෙය එක් පැත්තකින් උපාධි පිරිනමන පුද්ගලික ආයතනයක් වූව ද එය පිහිටවනු ලැබූයේ අධ්‍යාපන හෝ උසස් අධ්‍යාපන අමාත්‍යංශයේ ඍජු මැදිහත්වීමකින් තොරව වීම වියවුලකි. එනම්, එය පිහිටවනු ලැබූයේ ආයෝජන මණ්ඩල ව්‍යාපෘතියක් ලෙසයි. එනම් - බියගම අපනයන සැලසුම් කලාපයේ / ආයෝජන කළාපයේ ඇගලුම් කර්මාන්ත ශාලාවක් ඉදිකිරීම හා මාලඹේ පුද්ගලික අධ්‍යාපන ආයතනයක් ඉදි කිරීමේ කාර්යයන් දෙක අතර ‘කැටගරියේ‘ වෙනසක් මිස වෙනකක් එහි නොවීය. ඉන් ද පසු, යළිත් වරක් පුද්ගලික විශ්ව විද්‍යාල සම්බන්ධයෙන් වන කතිකාව ගොඩ නැගෙනුයේ 2010 එස්. බී. දිසානායක, උසස් අධ්‍යාපන ඇමතිවරයා ලෙස පත් වීමෙන් පසුවයි. 2010 එස්.බී. ගේ පුද්ගලික විශ්ව විද්‍යාල යෝජනාව නම් එයයි. එම පත්වීමේ සිට මේ දක්වා නව පුද්ගලික විශ්ව විද්‍යාල දහයකට වැඩි ගණනක් වෙනුවෙන් අවසර ලබා දීමේ මූලික සංගණනයන් හා ලංසු තැබීම් සිදු වෙමින් පවත්නා කාර්යයන් අතර වෙයි.

පුද්ගලික විශ්ව විද්‍යාල ඇති කළ යුතු බවට වන ආණ්ඩුවේ යෝජනාවේ හේතු දැක්වීම් ලෙස කරුණු කිහිපයක් දක්වමින් සිටියි.
1. උසස් පෙළ සමත් වන සෑම අයෙක් වෙනුවෙන්ම රජයේ උපාධියක් ලබා දිය නොහැකි තත්ත්වයකදී, යම් සාධාරණ මුදලක් ගෙවා උපාධියක් ලබා ගැනීමට අවස්ථාව සැලසීම,
2. උසස් පෙළ සමතුන් 150,000 ක් අතරින් වාර්ෂිකව විශ්ව විද්‍යාල ප්‍රවේශ ලබන 25,000 ක ප්‍රමාණයට අමතරව තවත් පිරිසකට උපාධියක් වෙනුවෙන් අවස්ථා සැලසීම,
3. උපාධි අපේක්ෂාවෙන් විදේශගත වන උසස් පෙළ සමත් නමුත් දේශීය විශ්ව විද්‍යාල ප්‍රවේශ නොලත් පිරිසගෙන් රටින් බැහැර වන මුදල් රට තුල තබා ගැනීම,
4. විදේශ සිසුන් දේශීය පුද්ගලික විශ්ව විද්‍යාල වලට පැමිණීමෙන් යම් මුදලක් විදේශයන්ගෙන් මෙරටට පැමිණීම.
             ඉන් කිහිපයකි. දැන් අප විසින් මේ එක එකක් විසදා ගත යුතුව ඇත. ඒ සම්බන්ධයෙන් වන තත්ත්වයන් තේරුම්ගත යුතු වෙයි.

අද වන විට, උපාධි ලබා දෙන පුද්ගලික ආයතන රැසක් සදහාම සිසුන් බදවා ගැනීමේදී උසස් පෙළ සමත් වීම නැමති සාධකය කෙරෙහි වැඩි අවධානයක් යොමු නොකරන තත්ත්වයක් දක්නට ඇත. අදාල ආයතනය මගින් කරනු ලබන උපාධියේ මිලයීම ගෙවීමට හැකිවීම පමණක් හෝ උසස් පෙළ විභාගය සමත් වීමකින් තොරව වෙනත් කොන්දේසීන්ට යටත්ව උපාධියක් ලැබීමට සිසුන්ට හැකියාව ලැබී ඇත. මෙම තත්ත්වය - ඉපදීමකින් තොර විවාහ වීමක් - වැනි අපබ්‍රන්ස තත්ත්වයකි. උසස් පෙළට පෙනී සිටීමට නම් සාමාන්‍ය පෙළ සමත් විය යුතු වෙයි. එසේම, විශ්ව විද්‍යාලයක් මගින් උපාධියක් ලබා ගත හැකි වන්නේ උසස් පෙළ විභාගයේ කොන්දේසි වලට යටත්ව විෂයන් සමත් වීමෙන් පසුවයි. අද වන විට එම කොන්දේසි නම්, උසස් පෙළ විෂයන් තුන සදහා අවම වශයෙන් සාමාන්‍ය සාමාර්ථ ලැබිය යුතු වෙයි. එහෙත්, අද වන විට උපාධි පිරිනමන ප්‍රමුඛ පුද්ගලික විශ්ව විද්‍යාල ආකෘතියේ ආයතන කිහිපයකම ප්‍රවේශ සුදුසුකමක් ලෙස උසස් පෙළ සමත් වීම අත්‍යාවශ්‍ය නොවේ. එක් විකල්පයක් ලෙස - දෙන්නම් කාසි වලට උපාධිය හැදෑරිය හැක. එනම්, උපාධිය හදාරමින් සිටින කාලයේදී උසස් පෙළ සමත් වී ඊට අදාල සහතික ලබා දීමයි. දෙවැනි ක්‍රමයට අනුව, උසස් පෙළ සාමාන්‍ය පොදු පරීක්ෂණයවත් සමත් නොවී උපාධියක් ලබා ගත හැක. එනම්, එමගින් උසස් පෙළ සමත් වන සෑම අයෙක් වෙනුවෙන්ම රජයේ උපාධියක් ලබා දිය නොහැකි තත්ත්වයකදී, යම් සාධාරණ මුදලක් ගෙවා උපාධියක් ලබා ගැනීමට අවස්ථාව සැලසීම යන මූලික සංකල්පය බිද වැටෙයි. එනම්, පුද්ගලික විශ්ව විද්‍යාල ආකෘතියෙන් දැනට ක්‍රියාත්මක වන ආයතන මගින් උපාධියක් ලබා ගැනීමට උසස් පෙළ සමත්වීම අත්‍යාවශ්‍යය තත්ත්වක් නොවේ.

එසේම, එම ආයතනයන්ගේ ඉගැන්වීම් සිදු කරනු ලබන ආචාර්යවරුන්ගේ සුදුසුකම් නිර්ණය කිරීමේ විධික්‍රමය හා මිමි සම්බන්ධයෙන් වෙනමම කතා කළ යුතු වෙයි. මුදල පමණක් ඉලක්ක කර ගනන්නා ඇතැමුන්, විශ්ව විද්‍යාල ආචාර්යවරයෙකුගෙන් සිසුන්ට සම්ප්‍රේෂණය විය යුතු සරල සාමාන්‍ය දේ පවා සම්ප්‍රේෂණය කිරීමට සමත් නොවන්නේය. ඉලක්කගත ලෙස පුද්ගලික පලිගැනීම් හා විනිවිධභාවයකින් තොර ප්‍රශ්න පත්‍ර ඇගයීම් ආදී අධ්‍යයනික මෙන්ම සිවිල්මය ආචාරධර්ම පවා දැඩි ලෙස ප්‍රශ්න කරන තත්ත්වයන් මෙම ආයතන වල මේ වන විට පත්ව තිබේ.

පුද්ගලික විශ්ව විද්‍යාල සම්බන්ධයෙන් වන පළමු තර්කය දැනට පිහිටුවා ඇති පුද්ගලික අධ්‍යාපන ආයතන මගින් පවා තෘප්ත නොකරන්නේ යැයි අපි කියවා ගතිමු. දෙවැනි තර්කය ලෙස ඉදිරිපත් කරනුයේ, උසස් පෙළ සමතුන් 150,000 ක් අතරින් වාර්ෂිකව විශ්ව විද්‍යාල ප්‍රවේශ ලබන 25,000 ක ප්‍රමාණයට අමතරව තවත් පිරිසකට උපාධියක් වෙනුවෙන් අවස්ථා සැලසීම යන්නයි. අද ලාංකීය අධ්‍යාපන ක්‍රමය යනු නිදහස් අධ්‍යාපන තත්ත්වයක් හෝ නොමිලේ අධ්‍යාපන තත්ත්වයක් යැයි වැරදියට වටහා ගැනීමෙන් වැලකිය යුතු වෙයි. මෙය - පෙර ගෙවුම් අධ්‍යාපනයකි. අප විසින් පරිහරණය කරනු ලබන සෑම දෙයක් සදහාම ගෙවනු ලබන බදු සම්බන්ධයෙන් වන සංයුතියට ‘අධ්‍යාපනය‘ද ඇතුළත් විෂයකි. ඒ අනුව බිළිදාගේ නැපියේ සිට - මරණ දැන්වීමක් මුද්‍රණය කිරීම දක්වා කාර්යයේදී අප විසින් ගෙවනු ලබන දේ සදහා අප විසින් ගෙවනු ලබන බදු මගින් අධ්‍යාපනයට අදාල වියදම් රජය විසින් වක්‍රව අය කර ගනු ලබයි. අප වෙත පසුව අධ්‍යාපනය ලබා දීම පිණිස වෙන් කරනු ලබන්නේ ඒ මුදල්ය. අනෙක් පැත්තෙන්, අධ්‍යාපනය වෙනුවෙන් ලබා ගන්නා විදේශ ණය ගෙවීම සිදු කරන්නේ ද මහජන මුදලිනි. එහෙයින් අධ්‍යාපනය යනු නොමිලයේ එකක් නොව - පෙර ගෙවුම් එකකි. එම නිසා අධ්‍යාපනය ලබා දීම සම්බන්ධයෙන් රජය මහජනතාව කෙරෙහි බැදී සිටියි. එනම්, පොදු සමාජයට අධ්‍යාපනය යනු ‘වරප්‍රසාදයක් නොව - අයිතිවාසිකමකි‘. ඓහයින්, සිය පුරවැසියනට අධ්‍යාපනය ලබා දීම හා ඊට අදාල පහසුකම් සැලසීම රජයේ ඍජු වගකීමකි.

අනෙක් අතින් කියවා ගන්නා විට, අධ්‍යාපනය යනු රටේ ජීව නාලිය බදු කේන්ද්‍රීය හා තීරණාත්මක විෂයකි. එහෙයින්, අධ්‍යාපනය වැනි තීරණාත්මක හා රජය විසින් ඍජුව අධීක්ෂණය කරමින් මෙහෙයවිය යුතු විෂයක් මෙහෙයවීම ‘මුදලාලිවරුන්ට‘ හෝ ආයෝජකයින්ට ලබා දීම රටේ අනාගතය දැඩි අවධානම් තත්ත්වයකට මෙහෙයවන්නකි. මේ වන විට - අධ්‍යාපනය යනු විකුණුම් භාණ්ඩයක් හෝ සේවාක් තරම් වෙළද ද්‍රව්‍යයක් වී ඇති බව පෙනේ. ඊට අදාල සාක්ෂි ඉහතින් දැක්වීමු. මෙහිලා තවද පැහැදිලි කරමි. ආයෝජන මණ්ඩලය යටතේ ව්‍යාපාරයක් ලෙස අදාල අධ්‍යාපන ආයතන පිහිටුවයි. එනම්, එම ආයතන පිහිටුනු ලබන්නේ අධ්‍යාපන පනතකින් හෝ නීතියකින් නොවේ. කෙළින්ම වෙළද ව්‍යාපාර ආකෘතියේ සිද්ධියකිනි. එහෙයින්, පුද්ගලික අධ්‍යාපන ආයතන යනු මුදලාලිවරුන් හා ආයෝජකයින් විසින් අධ්‍යාපන අර්ථයකින් තොරව වෙළද අර්ථයකින් මෙහෙයවනු ලබන බවට වන විවේචනයෙන් බේරීමට තරම් හැකියාවක් හෝ සාධාරණ තත්ත්වයක් නැත.

පසුගිය වසරේ දිනක එස්. බී. දිසානායක ඇමතිවරයා මාලඹේ ශ්‍රි ලංකා තොරතුරු තාක්ෂණ ආයතනයට පැමිණ විශේෂ දේශනයක් පැවැත්වීය. ඔහු එහිදී, අදාල ආයතනය හා පුද්ගලික අධ්‍යාපන ආයතන හෝ පුද්ගලික විශ්ව විද්‍යාල සම්බන්ධයෙන් සිය මතය ඉදිරිපත් කළේය. විදේශ ශිෂ්‍යයින් දේශීය පුද්ගලික සරසවි තුලට පැමිණීමේ වාසිය ලෙස ඔහු පෙන්වා දුන්නේ - එහෙම උණාම, ලංකාවෙ කෙල්ලන්ට චොයිස් තියනව - යනුවෙනි. එසේම, ඔහු විසින් තොරතුරු තාක්ෂණ අධ්‍යාපන ආයතනයක් වූ එයින් බිහි කිරීමට අපේක්ෂා කර සිටින්නේ තොරතුරු තාක්ෂණික ක්ෂේස්ත්‍රය දිග් විජය කළ හැකි අයෙක් බව නොකීවේය. ඇතැම් විට, එමගින් එවැන්නෙක් බිහි විය යුතු නොවේ යැයි ඔහු සිතුවා විය හැක. නැතිනම්, එවැන්නකින් එවැන්නෙක් බිහිකළ නොහැකි බව ඔහු සිතුවා විය හැක. කෙසේ නමුත්, එස්. බී. ගේ සිහිනයක්ව ඇත්තේ එමගින් - ලෝක රූප සුන්දරී තරගයට සහභාගී කරවිය හැකි සිසුවියක් බිහිකිරීම - බව කීවේය.

දැන් අප කියවා ගත යුතුව ඇත්තේ, පුද්ගලික විශ්ව විද්‍යාල  (SLIIT, NIBM, APIIT, ACBT, ICBT,...) මගින් උපාධි ලබා ගැනීමට අපේක්ෂා කරන පංතිය කවුරුන්ද යන්නයි. ඉතාම සුළුතරයක් හැරුණු විට, ලියාපදිංචි වී සිටින සාතිශය බහුතරය මධ්‍යම පංතියේ දෙමාපියන්ගේ දරුවන්ය. අද වන විට මධ්‍යම පංතිය යනු, මොන දේ හරි කරමින් තම දරුවන්ට ඉගැන්වීම ප්‍රමුඛ කාර්යය කොට ගත් පංතියයි. එහෙයින්, තමා විසින් ගෙවීමට සූදානම් මිලට හා සැපයීමට සූදානම් තත්ත්වයන්ට අනුකූලය කවර වර්ගයේ හෝ උපාධියක් ලබා දීමට සූදානම් ආයතනයක් පමණක් නොව, සිල්ලර කඩයකට හෝ තම දරුවා ඇතුළක් කරමින් තම දරුවාට උපාධියක් ලබා දීමට දෙමාපියන් පෙළඹිම පුදුමයට කරුණක් නොවේ. එහෙයින්, අද වන විට ඉන් වාසි ගනිමින් සිටින්නේ අධ්‍යාපනය හෝ උපාධි ලබා දෙන වර්ගයේ වෙළද ව්‍යාපාරයි.

එසේම, ප්‍රායෝගික තත්ත්වය ගැන සැලකීමේදී තවත් නොදුටු ඛේදවාචකයක් සැගව තිබෙනු දක්නට ලැබේ. එනම්, කුමන හෝ වර්ගයක උපාධියක් පිරිනැමීමේ නිදහස යම් ආයතනයක් වෙනුවෙන් පවරා දී ඇති තත්ත්වයක් මගින් බිහිවන උපාධිධාරියා රැකියාවක් සොයා ගෙන යාමේදී අර්බුදයකට ලක් වෙයි. බහුල හා ජනප්‍රිය විෂයන් මත පිරිනමන උපාධියක් ලබා ගිනිමින්, සමාජයට අවතීර්ණ වූ විට රැකියාවක් සොයා ගැනීමේ දැවැන්ත අවුලකට ඔහු මුහුණ පායි. මීට හේතුව වී ඇත්තේ ජාතික සහ ජාත්‍යන්තර අවශ්‍යතාවයන්ට සරිලන පරිධි උපාධි හෝ අධ්‍යාපන පාඨමාලා ගලපමින් නිර්දේශ නොකිරීමේ හා තෝරා නොදීමේ වියවුලයි. අද වන විට, තොරතුරු තාක්ෂණ උපාධිධාරීන් දේශීය වශයෙන් වාර්ෂිකව දෙදහසක් හෝ ඊට වැඩි පිරිසක් රැකියා වෙළද පොලට පිට කරයි. නමුත්, වාර්ෂිකව මෙසේ පිටවන උපාධිධාරීන් සදහා එම අනුපාතයට සරිලන රැකියා අවස්ථාවන් රට තුළ දක්නට නැත. එසේම, උපාධියට සරිලන ගෙවීමක් කරමින් රැකියාවක් ලබා දීමට සුදානම් තත්ත්වයක් ද දක්නට නැත. එහෙයින්, උපාධිය වෙනුවෙන් මාසිකව රුපියල් විසි දහසක් හෝ ඊට වැඩි මුදලක් ගෙවන සිසුවා, අදාල මාසික ගෙවීමට අමතරව සෙසු වියදම් ලෙස තවත් අවැනිම මුදලක් වැය කරයි. නමුත්, අද වන විට රැකියා වෙළදපොලට සාපේක්ෂ රැකියා අපේක්ෂකයින් බිහි නොකිරීමේ ඛේදවාචකය නිසා ඉගෙනීමේදී එක් මාසයකදී ගෙවූ මාදල ඉපයීමට ඇතැම්විට මාස හතරක් පමණ ගත කළ යුතු වෙයි. එසේම, තවත් සමහර ප්‍රකට ආයතන විසින් මිලයට ගන්නා මෙවැනි උපාධිධාරීන් කාලයක් නොමිලයේ සේවයේ යෙදවීමෙන් පසු, නිසි ගෙවීමක් නොකරම හිතු මනාපයේ පිට කිරීම ද දක්නට ඇත. එසේ වන තත්ත්වයක් තුළ තවත් අලුතින් අතිරේඛව නව පුද්ගලික විශ්ව විද්‍යාල හෝ එම ආකෘතියේ ආයතන බිහිකිරීම මගින් මෙම තත්ත්වය තවත් උග්‍රවනවා මිස, යටකී සත්භාවයෙන් යුතු අරමුණු ඉශ්ඨ කරගැනීම පහසු නොකරන්නේය.

ලංකාව තුළ ජාත්‍යන්තර පාසල් සම්බන්ධ ප්‍රවණතාවය වර්ධනය වන්නේත් මෙවැනිම වැතැවරණයකින් යුතුවය. නමුත් අද වන විට ජාත්‍යන්තර පාසල් හෝ ඒවාහි අධ්‍යාපනයේ ප්‍රමිතිය සම්බන්ධයෙන් වාගේම, ඒවාහි ආචාර්යවරුන්ගේ ප්‍රමිතීන් සම්බන්ධයෙන් ද ඇත්තේ දැඩි ව්‍යාකූල බවක් හා දුක්ඛිත තත්ත්වයකි. කිසිදු ක්‍රමවත් භාවයකින් තොරව අධ්‍යාපනය ලබා දෙමින් සිටින සාතිශය බහුතරයක් වූ ජාත්‍යන්තර පාසල් හරහා බිහි වන මිනිසාගේ තත්ත්වය සම්බන්ධයෙන් වන ව්‍යාකූලභාවය දැන් දැන් අපි විදිමින් සිටිමු. අධ්‍යාපනය ලබන අවධියේදී සංවර්ධනය විය යුතු කළාව, ක්‍රීඩාව, සාහිත්‍යය, මානූෂීය ගුණාංග, ආගම හෝ වෙනත් සංස්කෘතික තත්ත්වයන් එවැනි පාසල් හරහා ගොඩ නැගෙන්නේ ඉතාම අල්ප වශයෙනි. අද වන විට පුද්ගලික විශ්ව විද්‍යාල හෝ එම ආකෘතියේ ආයතනයන්ගේ තත්ත්වය ද එසේමය. ගෙවනු ලබන මුදලට සරිලන අධ්‍යාපනයක් ලබා දී කෙසේ හෝ උපාධියක් ලබා දී සිසුවා පිට කිරීම හැරුණු විට වෙනත් ජීවිතය හා ජීවත්වීම සම්බන්ධ දේ පිළිබද මේවාහී සංවේදීතාවය ඉතාම දුරවලය. විශ්ව විද්‍යාලයක කාලය ගත කරන ශිෂ්‍යෙයක් විසින් අත්යිදිය යුතු - කළාව, සාහිත්‍යය, සමාජ විචාරය, ක්‍රීඩාව, පොදු වැඩ හා සාමූහික ක්‍රියාකාරකම් සේම මිනිස් සංහතියේ බිහිවීමේ සිටම මිනිසාගේ පරම ලක්ෂණයක් වූ දේශපාලනිකභාවය පිළිබද වන තත්ත්වයක් වන දේශපාලනය, සංවාද වැනි දේ වෙනුවෙන් ඉඩ සැලසීම මේවා මගින් සිදු කරන්නේ ඉතාම අල්පවය. එනම්, සරලව කියන්නේ නම්, පුද්ගලික විශ්ව විද්‍යාල වල මේ වන විට අරමුණ වී ඇත්තේ - සල්ලි දෙනවනම්, උගන්වන්නම් - අවසානෙදි උපාධිය දෙන්නම් - මෙතන ඇවිත් ජීවත් වෙන්න හරි ජීවිතය ඉගෙන ගන්න හරි දගලන්න එපා යන ආඥාදායක ඉගියයි.

මේ සියලු තත්ත්වයන් හමුවේ, දැන් අප විසින් කළ යුතුව ඇත්තේ කුමක්ද. එනම් පුද්ගලික විශ්ව විද්‍යාල වල හෙට දවස විය යුත්තේ කුමන පදනමක්ද. පළමුව කළ යුතුව ඇත්තේ - තව තවත් පුද්ගලික විශ්ව විද්‍යාල දුසිම් ගණනින් ඉදි කිරීමට ඉඩම් වෙන් කර දීම නොව. දැනට පවත්නා යම් ප්‍රමිතියකින් යුත් එවැනි ආයතන රජයේ ඍජු අධීක්ෂණයට හා මෙහෙයවීමට යටත් කර ගත යුතුය. එමගින්, මුදලාලිලා මගින් අධ්‍යාපනය තීරණය කිරීම වෙනුවට මුදලාලිලා සතුව ආයතනයක් ලෙස ඒවා පවතින විට රජය මගින් සිය මෙහෙයවීමෙන් අධ්‍යාපන ප්‍රමිතීන් නිරීක්ෂණය කිරීමයි. උපාධි පාඨමාලා සදහා බදවා ගනු ලබන අවම සුදුසුකම ජාතික විශ්ව විද්‍යාල පද්ධතියට බදවා ගනු ලබන අවම සුදුසුකම බවට පත්කළ යුතු වෙයි. එනම් - උසස් පෙළ හෝ අසමත් අයට පවා උපාධියක් ලබා ගැනීමට ඇති සිල්ලර උපාධි ක්‍රමය අහෝසි කරමින්, පොදු සමාජයේ හා පොදු සිසුවාගේ සුභසිද්ධිය තකා උපාධියේ ගෞරවය හා ප්‍රමිතිය දියුණු කළ යුතු වෙයි. අධ්‍යාපන පාඨමාලාවන්ගේ හා ආචාර්යවරුන්ගේ තත්ත්වයන් හා පටිපාටීන් සම්බන්ධයෙන් රජය විසින් හෝ ඊට අදාල රාජ්‍යය ආයතයන් විසින් තීරණාත්මක මැදිහත්වීමක් කළ යුතු වෙයි. ව්‍යාපාරිකයින්ගේ භිමතය පරිදි තීරණය කරමින් සිට පාඨමාලා ගාස්තු හා අයකිරීම් යම් නියාමනයකට ලක් කළ යුතු වෙයි. රාජ්‍ය ආයතන යනු, ආයෝජන මණ්ඩලය හෝ වෙළද ව්‍යාපාර නඩත්තුකරන ආයතන නොව, අධ්‍යාපනය හා උසස් අධ්‍යාපනය සම්බන්ධයෙන් වගකීමක් ඇති ආයතන විය යුතු වෙයි. ඉනික්බිති, පුද්ගලික විශ්ව විද්‍යාල ශිෂ්‍යාද අනෙක් ජාතික විශ්ව විද්‍යාල පද්ධතියේ සිසුවා හා සමාන කළා-සමාජ-සාහිත්‍ය-ක්‍රීඩා-දේශපාලන-මානූෂීය ගුණාංගයකින් යුත් පුග්ලයෙක් කිරීමට අවශ්‍ය යටිතල පහසුකම් හා සෙසු පහසුකම් සැපයිය යුතු වෙයි.

මේ සියල්ලට වඩා තවත් වැදගත් දෙයක් වෙයි. එනම්, පුද්ගලික විශ්ව විද්‍යාල මගින් උපාධි පිරිනමනු ලබන විෂයන් හා ක්ෂේස්ත්‍රයන් සම්බන්ධයෙන් යම් පාලනයක් තිබිය යුතු වෙයි. ජාතික හා ජාත්‍යන්තර අවශ්‍යතාවන්ට අනුව රැකියා වෙළදපොලේ ඇති ඉඩ පහසුකම් පිළිබද කරනු ලබන පූර්ව හා පුළුල් සංගණනයකින් පසු පමණක් අදාල විෂය සම්බන්ධයෙන් උපාධි පිරිනැමීමේ අවස්ථාව ලබා දිය යුතු වෙයි. එසේම - උපාධිධාරීන්ගේ ප්‍රමාණය පෙර කරනු ලබන දූරදර්ශී සංගණනයකින් පසු වාර්ෂිකව ජාතික අධ්‍යාපන ප්‍රතිපත්තියක් මගින් සැකසීමකින් පසු පුද්ගලික විශ්ව විද්‍යාල වලට නිර්ණය කළ යුතු වෙයි. ‘රොත්ත පිටින් උපාධි අරං - රොත්ත පිටින් කාලකණ්නි වීම‘ නැවතීමට ඇති එකම මග මෙයයි.

යළිදු අවසානයේදීත් කියමි. තව තවත් පුද්ගලික විශ්ව විද්‍යාල ඇති කිරීමට කාලය මෙය නොවේ. මේ කාලය යනු, දැනට පවත්වාගෙන යන සිල්ලර හා තොග උපාධි කඩ සහ යම් ප්‍රමිතියකින් යුත් ආයතන විධිමත් නියාමනයකින් දිශාභිමුඛ කිරීමේ කාලයයි. එසේ නොවුනහොත් - පුද්ගලික විශ්ව විද්‍යාල හා ඒවාහි උපාධිවල තත්ත්වය දැන් දැන් ජාත්‍යන්තර පාසල් වලට හිමිව ඇති ඉරණමට ලක් වීමෙන් බේරා ගත හැකි නොවේ.

11 Click Here to Comment:

Anonymous said...

Aththa kathaawa monawa wunath.... Mamath pvt campus 1ka igena ganna lamayek..
pvt campus gena aanduwe thiyena sthaawaraya gena monawa wunath sathutu wenawa....

*Lahiya*

Anonymous said...

මුන්ට ඔනේ අද්යපනය විකුනලා කීයක් හරි හොයාගන්න.
කෑම්පස් තේරෙන්නෑති කොල්ලො කෙල්ලො ගෑන මෙච්චර දුක නම් මුන් ඈයි බාහිර උපාදි තහනම් කලේ????
දෑන් ඉතින් ගාමන්ට් පලයල්ලකො.

Anonymous said...

campuz teren neti kollo kello gena hithanna kalin teruna un gena hithapalla.ada guruwarunge watup prashna wisadan neti heththa pvt unvsties dala e gollanwa wadi padi walata ewata gani.antimata wadi lakunu gattu ape unta ugannanna guruwarayekwat neti wei.me karanna yanne eka...

Anonymous said...

meka liana anka eke unp karaya ta kabaragoyath thala goya wela wage badaginnata..

Anonymous said...

Danata pawathina samajaviwuhaya anuwa.upadiyak athnum piliganemak atha.Dosthara kanak num kakula wuwada lewakanneya.Putha dosthara duwa dosthra yana namaya labaganemata dagali.Car ekak permit ekak echchari.weya uththa meyada.Lanakawe samaja sammathaya anuwa.Upadiyak nthi eka ballata damai.A/L passa eka eta pahath wai O/L pass eka etath pahathya.A/L ho O/L pass kanaku karana rakiyawakin ohuta danata lankawe pwaithna arthikaya thula geewath weemata hakiywak natha(param parawen kutti pitin nathi kanakuta).Seyaludenama upadi ganna dagalanna ma karuna nes nowed.Pramavwath tharwam watupak labenna num.Dostharada enginaruwada wenath rakshawak karannada sama wai.Upadi porayak nathiwai ewit sudussa upadiya kara lagawai.Ehath upadiyak athi puthgalayata yam gawrwayak athiwai.A/L ho O/L upadiyak ho notibunada boho buddimath minisum ma samajaya wesai.Ehath mudal nathi kama nesa pawudgalika adyapanyak ho labagnemata owunata nohaka.Ma eka udaharynyak dakwami Albert Einstein yanu widywa udu yatikuru kala puthgalayake ohuge lamawiya gena keywa balanna.Ohu athulathwema webagyada asmathi wuwaki.ehath ohuge soyaganem thwamath weshmayake.Ow ewan nan dusim ganan ma smajaya sitya nohaka.ehath kala malak kaleta parawa yanwa mesa.Seyalla mudal wu mewan samajayaka.Nawa soyaganeemak sadaha athi edakdata wata-kadulu badeema noweeda.ma indian sagaraya punchi muthu ataya diunu keremata athi akama maga minisunge puhu akalpamaya wensak mesa.Kutti pitin salli podigaseema nowa.

Anonymous said...

Bus eka kondosthara strike kaloth ammapa keeyak hari wadikaranwa.Doctersla nurse latath echchari.eath guruwaru strike kaloth ewa ganan ganna na.Yako oya mokath eganagena othanata with theyanna guruwaru nes keyala mathakatheynwada.Boruwata gurudena num smaranwa.

Selvanayagam said...

මේක ලියන්නෙ යූ.ඇන්.පී. කාරයෙක් කියල කොහොමද කියන්නෙ. ඔයිට වඩා ගැලපෙනව මේක ලියන්නෙ ජේ.වී.පී. කාරයෙක් කීවනම්. පවතින ක්‍රමය ප්‍රශ්න කරන හැම එකාම විපක්ෂෙ කියල හංවඩු ගහල හිත හදා ගන්න පුරුද්ද තමයි අපේ රට කෑවෙ. ලියන එකා මොකකෙක් උණත් අපිට කමක් නෑ. ලියන දේ හරිනම් එච්චරයිනෙ

Anonymous said...

mekane,govt campus yana kattiya okkoma bright kiyala kiyanna ba.e wagema private campus yana okkoma modayo kiyannath ba.samahru innawa government campus select unu,eth,private campus yana ewun.SLIIT eka gaththoth eke adhyapanaya hugak ihala mattamaka tiyenawa.e nisa koima welawakawath apita kiyanna ba private campus wala adhyapanaya pahath thathwayaka tiyenawa kiyala

Anonymous said...

මොනවා උනත් මේවා ලියන්නේ පුද්ගලික විශ්ව විද්‍යාල සිසුවෙක් ......

Anonymous said...

Igana ganna puluwan eka mona university eke hitiyath u iganaganawa, ehema uwamanawak nathi eka Harvard university yewwath wedak na. ubala kiyana widiyata Government Campus yanna beri wunu ewunta mukuth nokara A/L's pass witharak ewun widiyata inna kiyalada kiyanne? me rata diyunu wenna oni nam me lamai igana ganna oni. nethuwa parana game gon thaaleta hitiyoth Sri Lankawa hemadama Gon thamai. Pvt Campus walin wunath salli dunnu paliyata Degree denwa kiyala hithanna epa. ewageth thiyanwa, assignments, projects, oyala pvt campus walin organize karapu exhibitions walata gihilla balanna e lamainge denuma kohomada kiyala. un ehema ekakata wath yanne nathuwa hitiya nam paarawal aine kudu gahala nikam wedakata nathi horek bebaddek wena ekai wenne. igana ganna dekata salli wiyadam karata kamak na. eka ithuruwak. samaharak wage nikam kanna balagena indla campus wala rag deela, asarana kello kollonge olu walata kunuharapa , deshapalana wage dewal athul karala unwa degree aran eliyata awillath jobak nathuwa rassa diyaw kiya kiya pare upawasa karagena dagalanna wenne oya nisa. Man dekka Campus eke nisadesak "Awurudu gaanak thatama thatama demma betta kaata nethath watinawa mata" yanuwen. balanna government campus witharak gihilla govermnet job balaporoththu wena ayata wenne e tika thamai. e wagema pvt campus gihilla Virtusa, WO2 wage engineersla & etc.. Overseas Jobs karana kochchara nam denek innawada. me api hemoma balanna oni iganagena thamantath pawulatath, ratatath hoda kenek wenna, kaatawath karadarayak nayak nowi jivath wenna nam igana ganna oni. ekata Pvt campus da Government da yanna adala wenne na. Hari ewa lankawe haduwe na kiyamuko. ara campus yanna beriwuna ithuru okkotama rata gihilla hari degree ekak ganna salli thiyenwada. nane. yako salli thiyana ewun witharak diyunu wela hariyanne na, game inna hari wathkamak nathi ammalage daruwo ehe game school wala gihilla hariyata pahasukam nathi nisa eka lakunen deken campus yanna beri wunama mehema hari campus yanna chance ekak thiyana eka loku deyak. naththm ubala kiyana widiyata O/L fail wuna kiyala waha bona, belle wela daganna lamai thawa thawath wedi wewi. Unta wena dewal karala diyunu wenna puluwanne kiyala ubala kiyai. eth minissu apita oni widiyata natanne na bn. unta ewa karanna be nam be thamai. den kaale kollek kemathida kiyapan kumburu kotanna? nane? Pvt Campus berinam Goverment campus ekata salli gewala hari igana ganiw sinhalayini!

Anonymous said...

OL ho AL pass nathuwa Upadiyak ganne kohomada danna kenek kiyala denawada please...