Monday, May 23, 2011

සජිත් ප්‍රේමදාසට විවෘත සංදේශයක් සහ තවත් දේ

ඒ 2008 අගබාගයේ රාත්‍රියකි. ස්ථානය කලුබෝවිල ප්‍රතිබ්ම්බාරාම පාරේ විහාරයට යාබද ‘මීඩියා බෝඩිම‘. කසුන් පුෂ්පකුමාර, නිරෝධ කාරියවසම්, සජිත්ගේ මාධ්‍ය සම්බන්ධීකරණ ලේකම් සහ මා එහි විය. සජිත්ගේ ඉදිරි ප්‍රචාරණ ව්‍යාපෘතියක් සම්බන්ධයෙන් සාකච්ඡා කිරීමට කොළඹ පැමිණ රාත්‍රී ආපසු යන අතර වාරයේ මාධ්‍ය සම්බන්ධීකරණ නිළධාරියා අපේ බෝඩිමට පැමිණියේය. ඒ වන විට රනිල්ගේ ආදේශ නායකයා ලෙස සියලු දෙනා කතා කරමින් සිටියේ කරු හෝ වෙනත් කවරෙකු පිළිබදවයි. සජිත් ගැන යම් යම් අදහස් පමණක් මතුවී තිබිණි. සජිත්, 2011 වන විට එ.ජා.ප.යේ නායකත්වය අපේක්ෂාවෙන් සිටින බව ඔහු කීවේය. මා තුෂ්නිම්භූත විය. ‘2011 දි? වයස මදි නේද?‘ මා ඔහුගෙන් ඇසූ විට, ‘වයස ප්‍රශ්නයක් නෑ මල්ලී-ලොක්කට පුළුවන්‘ කියා-යමක් කටේ හලා ගත්තේය. මා ඒ වන විට සිහිනයකින්වත් සජිත් 2011 වන විට එ.ජා.ප.යේ තීරණාත්මක සාධකය වේ යැයි නොසිතුවෙමි.

දැන් 2011 උදා වී ගෙවී යමින් තිබේ. සියයට සියයක්ම නොවූවත් සජිත් ඉන් වැඩි ප්‍රමාණයක් ලගා කරගනු සිටිනු දකින විට ඇත්තේ උපේක්ෂාවකි. දැන් අප සසිත්ව ප්‍රශ්න කළ යුතු වෙයි. එසේත් නැත්තම් සජිත් කියවා ගත යුතු වෙයි. මා සජිත් හා සජිත් ප්‍රේමදාස එකට කියවීම මෙසේ අරඹමි.

සජිත් පිළ හා රනිල් පිළ බිහිවන්නේ සජිත්ගේ අරගලයේ ප්‍රතිඵලයක් ලෙසයි. මෙවැනිම බෙදීමක් අනුර පිළ හා මැතිණිගේ පිළ යනුවෙන් 80 දශකයේ අගභාගය වන විට ඇති විය. අද වාගේම පරාජයෙන් වියරු වැටී සිටි කෙසේ හෝ දිනිය යුතු යැයි සිතූ පිරිස අනුර සමග එක් වූහ. එහි අවසානය අපි දනිමු. අනුරගේ පිළක් තබා අනුරටවත් යන එනමං නොවීය. මැතිණියටද යන එකමං නැති වුවත් මැතිණිය යම් තාක් දුරකට ෂේප් කරගැනීමට සමත් විය. චන්ද්‍රිකා අම්මාට පිහිට විය. ඒදා අනුරගේ පිළට පැන්නවුන්ගේ අදහස වූයේ අනුර දිනවීමෙන් දිනුමක් නොව, මැතිණිය අසමත් කිරීමෙන් පසු අනුර නායකයා කොට ඒ අතර ප්‍රබලයින් වී අනුරටද වැඩක් දීමටයි. නමුත්, අනුර පිළ සුන්නද්ධූලි වී ගියේය. අනුර හැර අනික් සියල්ලෝම චන්ද්‍රිකාට හේත්තු විය.
(අද ද සජිත් පිළේ සිටින්නේ ගැම්ම සහ ඇම්ම ඇති පිරිසකි. රනිල් පිලේ ඉන්නේ ෂේප් එකේ කාලය ගත කරන පිරිසකි.) එහෙයින් මා විග්‍රහ කිරීමට අවශ්‍ය වන්නේ උරුමය කෙතරම් ප්‍රබල වුවත් පක්ෂය බේද කිරීම වෙනුවෙන් දිය යුතු දඩුවම ස්වභාවධර්මයෙන්ම ලබා දෙන බවයි. එදා උරුමය ඉල්ලීමට හදිස්සි වී පිල් බෙදමින් පක්ෂයේ චරිතයක් වූ අනුර බණ්ඩාරණායක කදිම නිදසුනයි. පිල් හා කල්ලි බිහිකරමින් පක්ෂය තුළම පක්ෂයේ දේවල් විවේචන කරමින් කරනු ලබන මෙම වැඩපිළිවෙල දුරදර්ශී එකක් නොවේ යැයි කියමි. නායකත්වයට සුදුස්සෙක් නම් නියම වේලාව එනතුරු ඒ වෙනුවෙන් නිහඩව හා ප්‍රභලව සූදානම් වීම යහපත් නායකත්ව ලක්ෂණයකි. ජේ.ආර්.-ප්‍රේමදාස-මහින්ද අප දන්නා උදාහරණයි. නමුත් ඉතාම තීරණාත්මක මෙහොතේදී නොනවතින අරගලක් කළ යුතු වෙයි. මේ අයුරින් ඵලදායී නොවන දියාරු අරගල දිගින් දිගටම කරගෙන යාමේදී ඡන්ද දායකයිනට නායකයා ජෝකර් කෙනෙක් වෙයි. එවිට, තීණාත්මක අරගලය වෙනුවෙන් මිනිසුන් රැස් කිරීම නායකයාට අපහසු වෙයි. ජේ.ආර්. විසින් කරනු ලබන සියලු දේ ඉවසාගෙන ප්‍රේමදාස බලාගෙන සිටියේය. පසුව, ජේ.ආර්. එනපොට හරිනැති බව දැනගත් වහාම අඛණ්ඩ මෙහෙයුමක් ප්‍රේමදාස දියත් කළේය. එහි ප්‍රතිඵලයක් ලෙස ප්‍රේමදාස ජනාධිපති අපේක්ෂකයා විය. මහින්ද ද එසේමය. මහින්ද උරුමය ඉල්ලිය යුතුව තිබුණේ 1994 දීය. නමුත් මහින්ද 1994 සිට 2004 දක්වා වසර 10 ක් නායකත්වයක් ගැන කිසිදු සදහනක් නොකරමින් ඒ වෙනුවෙන් අවශ්‍ය තත්ත්ව සකස් කරගත්තේය. මහින්ද චන්ද්‍රිකාගෙන් නායකත්වය ඉල්ලා සිටියේ එකවරයි. නමුත්, මහින්දගේ හඩ චන්ද්‍රිකාට අදහා ගත නොහැකි තරම්ම ප්‍රබල වීම නිසා මහින්දට දීම විනා වෙන විකල්පයක් නොවීය. දැන් මහින්ද ජනාධිපති පුටුවේද වාඩි වී සිටියි. සජිත්ගේ දේශපාලන සැණකෙලි වලින් පෙනෙන්නට ඇත්තේ, පියාපත් ලද මෙරුවකුගේ හැඩයයි.
සජිත්ගේ ප්‍රමුඛ පෙළ හා දෙවෙනි පෙළ ශක්තිමත් හා විශ්වාසවන්ත ද. සජිත්ගේ පිලේ ජාතික සංවිධායක අපේක්ෂකයා වූයේ මද්දුම බණ්ඩාරයි. ජාතික සංවිධායකයා සතුව ජාතික වැඩ පිළිවෙලක් තිබිණි. 2009 දී සන්නස්ගල ජාතික සංවිධායක කම ඉල්ලා සිටියදී අපිට හාස්‍යයට කරුණක් වුවත් සන්නස්ගලගේ මාර්කටිං හරහා පක්ෂය පිළිවෙලක් කිරීමට හැකිව තිබිණි. මද්දුම බණ්ඩාර නියෝජනය මොණරාගලයි. පසුගිය ඡන්ද කීපයම රංජිත්ගේ දිස්ත්‍රික්කය පැරදුණේ ඉහළිනි. රංජිත් ජාතිය සංවිධාන කිරීමට පෙර තම දිස්ත්‍රික්කයේ යම් වැඩ පිළිවෙලක් දියත් කළ යුතුව ඇත. අදාල වැඩ පිළිවෙල අනුවයි ජාතියටම අනුබද්ධ කළ යුත්තේ.  ගම්මට්ටමින් ශාඛා සමිති නිර්මාණය කිරීමේ සිට සෑම ආසනයක් සදහාම විකල්ප ආසන සංවිධායකයකු රහසින් යෝජනා කිරීම දක්වාම එය ප්‍රබල විය යුතු වෙයි. විපක්ෂයේ හැසිරීම එසේ විය යුතුයි. දැනට පවත්නා අසමත් සෑම මන්ත්‍රී ආසනයක් වෙනුවෙන්ම විකල්ප සංවිධායකු පත් කිරීමේ කාර්ය විපක්ෂය විසින් ජාතික සංවිධානයේදී කළ යුතුව ඇත. නමුත් රංජිත්ට එවැනි දැක්මක් ඇත්තකු නොවේ යැයි මගේ මතයයි. 
සජිත් විසින් කියන දේ නම් රනිල් විසින් පක්ෂය නාගරික ධනපතීන්ගේ භූදලයක් කළ බවයි. එය වුණේ එහෙම නෙවෙයි. ප්‍රේමදාස විසින් පක්ෂය අර්ධ ග්‍රාම්‍යකරණය කළේය. පසුව රනිල් යළිත් පෙර තත්ත්වයට පත් කළේය. ඩී.එස්.-ඩඩ්ලි-සර් ජෝන්-ජේ.ආර්.-ගාමිණි වැනි සියල්ලෝම නාගරික පංතියේ නියෝජනයි. ගමෙන් පැමිණියේ ඩිංගිරි බණ්ඩා විජේතුංග මහතා සහ ප්‍රේමදාස පමණයි. කෙසේ වෙතත් සජිත් විසින් නාගරික පාක්ෂිකයා විචේචනය කිරීම හෝ හෑල්ලු කිරීම තවදුරටත් නොකල යුතු වෙයි. ගම් මට්ටමින් බිම් මට්ටමින් පක්ෂය හැර යද්දී පක්ෂයේ පැවැත්ම තීරණය කරදුන්නේ නාගරික පාක්ෂිකයායි. ඡන්ද සංඛ්‍යාෙවන් නගරයට වඩා ගම විශාල වූවාට දේශපාලනික වශයෙන් ගමට වඩා නගරය ප්‍රබල විය හැකි අවස්ථා බහුලය.
අප සජිත් තෝරා ගත යුත්තේ පරිස්සමිනි. මන්ද අපි කලබල වී නායකයෙක් පක්ෂයක් වෙනුවෙන් තෝරා ගෙන දැන් විදවයි. සුදුස්සන් සියලු දෙනා පාහේ විනාශ වී ගිය විට රනිල් පක්ෂයේ නායකයා විය. දැන් පක්ෂයේ හූනියම වී ඇත. කලබලේට කොරොස් කටේවත් අත දාගන්න බෑ. නායකයෙක් තෝරා ගැනීම කිසිසේත් කළ නොහැකියි. සජිත් විසින්, සජිත් රනිල්ට සහ මහින්දට වෙනස් වන්නේ කෙසේදැයි ඔප්පු කොට පෙන්වන තුරු සජිත් තඹ සතයක ගණන් ගත නොයුතු යැයි කියමි. දෙන්නම් කාසි වලට දේශපාලනික ගණු දෙණු නොකළ යුතුයි. ම විසින් සජිත් පහත පිළිවෙලට ප්‍රශ්න කරනු ලබමි. තවද ලියමි, රනිල් ගැන සජිත් වටහා ගත යුතු වෙයි, ‘අලිය කෙට්ටු උණාට කොරහෙ නාවන්න බෑ‘.

විවෘත සංදේශය
ජාතික ආඛ්‍යානයන් හමුවේ ඔබේ නිහඩ බව මගින් ඔබේ දේශපාලන පෞරුෂය පිළිබද යම් සැකයක් ඇති වෙයි. ඔබ කතා කරන්නේ හම්බන්තොට ගැන පඹණක් නිසා, දෙවැනි ප්‍රේමදාස යුගයක් කෙසේ වෙතත් දෙවැනි රාජපක්ෂ යුගයක් උදා වී, මේ යුගයටත් වඩා වැඩියෙන් හම්බන්තොටටම පමණක් ඉර පායයි දෝ සැකයක් ඇත. ජාතිය ප්‍රශ්නකාරී වන සෑම මොහොතකදීම ඔබ දියාරු වී පක්ෂයේ හා නායකයාගේ අඩු පාඩු තලු මරමින් රසවිදිනවා මිස ඒ වෙනුවෙන් සක්‍රීය මැදිහත්වීමක් කරනු අප දැක්කේ නැත. (උදාහරණ - 18 වෙනි ව්‍යවස්ථා සංශෝදනය / හෙල්පින් හම්බන්තොට නඩුව / හෙජින් ගිවිසුම / ජනාධිපතිවරණ කම්ප්‍යූටර් ජිල්මාට් / මහා මැතිවරණ පෙත්සම් / ප්‍රතික්ෂේප වූ නාම යෝජනා යළි භාර ගැනීම හා ආණ්ඩුවේ ඡන්ද ක්‍රමවේදය සහ තවත් දේ)
රනිල්ගේ ප්‍රතිපත්ති දිගින් දිගටම ඔබ විසින් විවේචනය කරයි. එසේනම් ඔබ  විසින් යොජනා කරනු ලබන වැඩ පිළිවෙල කවරක්ද? එහි ඇති රනිල්ට වෙනස් වූ පිළිවෙත් මොනවාද? අප රනිල් ප්‍රතික්ෂේප කරමින් ඔබ  වැලද ගැනීමට තරම් විශිෂ්ඨ ගණයේ දේ මොනවාද? ඔබනායකත්වයට පත් කරන්නට නම්, ඔබගේ ඉදිරි වැඩපිළිවෙල සියල්ල සජිත් ඔබ පාක්ෂිකයන් හා ඡන්දදායකයින් අත තැබිය යුතු වෙයි.
ම විසින් ඔබ ප්‍රශ්න කරනු ලබමි. අඩුම තරමින්, මෙම තත්කාලීන ආඛ්‍යානයන් හෝ ඔබ විසින් පිළිතුරු දීමට හා විග්‍රහ කිරීමට ලක් කළ යුතු  වෙයි. සජිත් පක්ෂයේ තත්ත්වයන් හා ප්‍රශ්න අමතක කරන්න. දැන් අපට පිළිතුරු දෙන්න.
1. උසස් අධ්‍යාපන අමාත්‍යංශය විසින් සංවිධාන කළ නවක සිසුන්ගේ හමුදා (නායකත්ව) පුහුණුව පිළිබද ඔබේ ස්ථාවරය කවරේද? ඔබ විසින් පැහැදිලි කරනු ලැබ ඇත්ද? එය එසේනම් කවදා - කොහේදිද?
1.1 මෙම පුහුණුව යෝජනා කරනු ලැබ ඇත්තේ නවක වදයට පිළියමක් ලෙස. නවක වදය වෙනුවෙන්, ඔබේ ඇති විකල්ප යොජනාව කුමක්ද?
2. එක්සත් ජාතීන්ගේ දරුස්මාන් වාර්තාව පිළිබද ඔබේ ස්ථාවරය කුමක්ද? ඒ සදහා යම් විග්‍රහයක් ලබා දිය යුතුව ඇති මෙහොතක ඔබ මගහරිමින් සිනවා නොවේද?
2.1 යම් හෙයකින්, මෙම කමිටුව ඉදිරියේ ඔබට පිළිතුරු දීමේ අවස්ථාවක් ලබා දුණහොත් 2005-2009 සහ 2009-දැන් යන කාල වල ලංකාවේ මානව හිමිකම් පිළිබද ඔබගේ තක්සේරුව කුමක්ද?
3. විශ්ව විද්‍යාල ආචාර්යවරුන්ගේ වෘත්තීය සුරක්ෂිතතාවය වෙනුවෙන් ඔබේ පෙනී සිටීම කුමක්ද? ඔබ එසේ කරන්නේද? නැද්ද? 
3.1 යම් අවස්ථාවක ඔබේ පානලයක් තුළ මෙවැනි ප්‍රශ්නයක් උද්ගත වුවහොත් ඔබේ පිළිතුර කුමක්ද?
4. මාධ්‍ය මර්ධනය - අදහස් ප්‍රකාශ කිරීමේ හා ප්‍රකාශනයේ සීමා ඇතැයි ඔබ විශ්වාස කරනවාද? ඔබ අවැන්න පිළිගන්නවාද?
4.1 ඔබේ ආණ්ඩුවක් තුළ සෘජුවම ඔබ විවේචනය කරනු ලබන මාධ්‍යෙව්දීන් රක්ෂණය කිරීමට හා අනුගුහ කිරීමට ඔබ සූදානම්ද?
5. අධ්‍යාපනය-සෞඛ්‍යය-ප්‍රවාහනය-ඇගලුම්-සමූපාකාර-විවිධ පාඩු ලබන සංස්ථා පෞද්ගලීකරණය කළ යුතුව ඇතිද? එසේ නොකරන්නේනම් ඔබේ යෝජනාව කුමක්ද? කළ යුතු බව කියන්නේ නම් ඔබ එසේ යෝජනා කර සිටින්නේ ඇයි.
විවෘත සංදේශය අවසන්

පාක්ෂිකයින්ගේ අපේක්ෂාව සජිත් ජයවර්ධන-සජිත් වික්‍රමසිංහ හෝ සජිත් රාජපක්ෂ භූමිකාවක් නොවේ. සජිත් ආර්. ප්‍රේමදාස යුගයක්ද නොවෙයි. පාක්ෂිකයින්ට අවශ්‍ය සජිත්මද නොවෙයි. පක්ෂය ශක්තිමත් කළ හැකි වෙනත් නායකයෙක් හෝ සෑහේ. අවසන ලියමි. මා සිටින්නේ එතැනයි. රනිල් හෝ සජිත් නොවන අනෙකෙක් විසින් මෙහෙයවනු බලන එ.ජා.ප.යක් වෙනුවෙන් දෑස් දල්වා බලා සිටිමි..

7 comments:

3rd Party Reader said...

ඔබ මුලින් රනිල් විෙච්චනය කළා. දැන් සජිත් විෙව්චනය කරනව. ෙමාකද්ද විකල්පය?

ෙකාෙහාම වුණත් මාතෘකා ෙත්රීම නම් විශිෂ්ඨයි

Rasthi said...
This comment has been removed by the author.
Hashker said...

මල්ලි වරෙන් - බෑ
එහෙනම් පලයන් - බෑ !
මැරියන් එහෙනං - ඒත් බෑ !!

Hashker said...

බලාපොරොත්තුව වන්නේ එකී.. හෝ මෙකි.. හෝ නොකී හෝ නොවන නවමු නායකත්වයක්.....?

Upul Ekanayake said...

sajith gana post eka gana mama eka patthakin ekagay. sajith ikman una wadiy thama. mama ehema kiyanne sajithge vayasa madi nisa nowey. obama amerikawe presi... weddi samaharu kiwwa ubata mathaka athi "obama kiyanne gilena amarikawa kiyana nawa(ship) wenuwen dunna billak" kiyala. ada obama inna thana kohomada..? monawa unath sajith ho wewa wena nayakayek ho wewa dan UNP ekata new band ekak one. ada rate inna UNP kaarayanta witharak nowe bahutharayakata thiyena eka prashnayak thiyenawa. eka thamay piligatha haki vikalpayak nathi eka. methana mama vikalpayak kiyanne JVP vage ekak nowe. row eke mulin hitaganna puluwan ekek ho thanak. me awula nisa hamoma mahinda kiyana thappeta muwa wela macho. ekko bayata. nathinam gaurawayata. eth nathinam wena karanta deyak nathi nisa. kohoma unath matanam oya mama kiyana vikalpaya pena thek maneka naha. ekko mage daneeme aduwak . kohoma unath mama deshapaalana sathek. matanam dan mahinda athi. mahindata me rate karanna puluwan hariya uparimawa karala ivaray. dan mahindata karanna wela thiyenne rata karana eka nowe. aanduwa pawathwagena yaama pamanay. ratata hetak wenuwen dan aluth ekek one. ethendi maath ubath ekka. hooduwaawak dakkoth matath kiyapan..........!

Thidas said...

සජිත් ඉවරයි. අයෙ ගොඩ ඒමක් නැත. ඊලගට රනිල් කරන්නේ කල් යල් බලමින් ඉද සජිත් නොවන වෙනත් කෙනෙක්ට නායක කම දී ගෙදර යාමයි.

Thidas said...

http://apinodannapolitics.wordpress.com/2011/01/12/%e0%b7%83%e0%b7%94%e0%b6%b7-%e0%b6%8b%e0%b6%af%e0%b6%b1%e0%b7%8a-%e0%b6%af%e0%b7%92%e0%b6%b1%e0%b6%ba%e0%b6%9a%e0%b7%8a-%e0%b7%83%e0%b6%a2%e0%b7%92%e0%b6%ad%e0%b7%8a-2/